Çin sifariş verdiyi "Boeing" təyyarələrini almayacaq
ABŞ Prezidenti Donald Tramp Truth sosial hesabından mövzu ilə bağlı paylaşım edib. ABŞ fermerlərinin Çinlə “ticarət müharibəsi”ndə ön sıralarda olduğunu ifadə edən Tramp, Çinin ölkədəki fermerlərə qarşı “mərhəmətsiz” olduğunu müdafiə edib.
"Maraqlıdır ki, (Çin) böyük bir Boeing müqaviləsindən çıxdı və tam öhdəlik götürdüyü təyyarələri təhvil almayacaqlarını söylədi", - Trump yazıb.
ABŞ-la tarif gərginliyi fonunda Çinin ölkədəki hava yollarına Boeing təyyarələri almamağı əmr etməsi xəbərindən sonra Boeing səhmləri 2,36 faiz ucuzlaşıb.
ABŞ və Çin arasında ticarət müharibəsi
Çin ABŞ-ın tarif artımlarına cavab verən ilk ölkə olub və eyni şəkildə cavab verib. İki ölkə arasında tariflərin hesablaşması nəticəsində ABŞ Çinə tətbiq etdiyi tarifləri 145 faizə, Çin isə ABŞ-a tarifini 125 faizə qaldırıb.
Vaşinqton administrasiyası digər ölkələrə tətbiq edilən qarşılıqlı tarifləri 90 gün təxirə salarkən, Çinə tətbiq edilən tariflər qüvvəyə minib.
Tramp daha sonra smartfonlar, noutbuklar, sərt disklər, kompüter prosessorları və çiplər kimi bəzi texnologiya məhsullarının əlavə vergilərdən azad ediləcəyini açıqlayıb.
